کیا ہماری کائنات (Solar System) ایک بلیک ہول کے اندر ہے؟

0
62

سو سال سے زیادہ ہو چلے ہیں جب آئن سٹائن کو خصوصی نظریہ اضافیت اور عمومی نظریہ اضافیت پیش کرنے کی سوجھی تھی۔ میکس پلانک تو اضافیت کا لفظ دنیا کو دے کر خاموش ہو گیا تھا پر آئن سٹائن نے ابھی ایک صدی سے زیادہ سائنس دانوں کو حیران کرنا تھا۔ یاد رہے کہ 1905 میں نہ آج کی سی رصد گاہیں تھیں نہ کسی نے کمپیوٹر کا نام سنا تھا۔ طویل ترین ریاضی کی مساوات کو حل کرنے کی مشقت بھی چاک سے ایک تختہ سیاہ پر کی جاتی تھی۔ ایسے میں کیا خلاق ذہن ہو گا جس نے کائنات کے رازوں پر پڑا پردہ چیر ڈالا۔ عام ذہن آج بھی وقت کو ایک لکیر کی طرح پیچھے سے آگے گزرتا محسوس کرتا ہے اور اس کے لیے یہ سمجھنا انتہائی مشکل ہے کہ وقت بھی ایک جہت ہے جو خلا کے ساتھ گتھی ہوئی ہے۔ کائنات کی وسعتوں میں تیرتے ستارے اور سیارے اس جہت کو ہر آن بدلتے رہتے ہیں۔ امواج ثقل کے بارے میں آئن سٹائن نے اس وقت بات کی تھی جب زمین کی کشش ثقل کو بھی سیدھے سے سمجھنا ممکن نہ تھا۔

ٹھیک ایک صدی لگی طبیعات کے عظیم تر اذہان کو یہ ثبوت ڈھونڈنے میں کہ امواج ثقل کیسے کائنات میں سفر کرتی ہیں۔ مادہ خلائی وقت کو کیونکر خمیدہ کر دیتا ہے، روشنی کی رفتار کیونکر مادے اور توانائی کے باہم ربط کو بیان کرتی ہے اور کائنات کا مشاہدہ ایک اضافی حوالے سے کیسے ممکن ہے، یہ سب آئن سٹائن کے نظریات کی دین ہے۔ لیکن یہ بھی حقیقت ہے کہ کائنات کی ایک مکمل تفہیم نہ اس وقت ممکن تھی اور نہ آج یہ مکمل ہے۔ آئن سٹائن کو کوانٹم مکینکس پر کوئی خاص اعتماد نہیں تھا اور اس کے خیال میں کوانٹم نظریات میں جان نہیں تھی۔ آئن سٹائن کی کائناتی وسعتوں کو ایٹم کے انتہائی چھوٹے ذرات کی تحقیق سے نسبت نہیں تھی لیکن وقت گزرنے کے ساتھ ساتھ یہ ثابت ہوتا چلا گیا کہ آئن سٹائن جیسا نابغہ اس معاملے میں غلط تھا۔

SHARE
Previous articleوزیر اعظم عمران خان کی کہانی اُن کی اپنی زبانی
Next articleڈونلڈ ٹرمپ کون ہیں؟
VoiceOfChitral.Com PvtLtd provides latest breaking news from District Lower and Upper Chitral of Khyber Pakhtunkhwa as well as national and international news from Pakistan and around the world. It also provides informative articles, today in the history, columns of Chitrali Philosophers on their demand and islamic news also. Besides, we have uploaded free, full version, preactivated and lifetime registered software & APPS for PC and android devices into our server, e.g. Internet Download Manager (IDM), uTorrent, WinRar and so on. So always stay in touch with us and get updated with our these valuable services. For more information please contact us here.

LEAVE A REPLY

Please enter your comment!
Please enter your name here